اليوم ال١٠ من التحدي✌🏻

 هاي گااااايز

اليوم رح احجيلكم تفاصيل  أكثر عن الفن الي دا أتعلمه بعيداً عن الكتب وعالم الأدب الي أني غارق بي، لذلك طولو خلكم وياي شويه..

 حاليًا دا أتعلم فن الرسم و الكتابة بحرق الخشب و وياهه الرسم و الكتابة على الزجاج..

عندي طموح أريد أوصله من خلال هذا التحدي وهذا الفن الرائع و أمل

كلش قوي أنو رح أحقق أنجاز أفتخر بي بالمستقبل.

تعالو شويه خلي احجيلكم عن التطور وأنطيكم شكم معلومة عن هاي الأعمال وهذا الفن..

خلال ال١٠ أيام الفاتت بديت أطور يوم عن يوم أكثر وخاصة

بالممارسة والأطلاع على المعلومات الي اطور من مهارتي أكثر..

بس بيني وبينكم استفادين أكثر شي من الأخطاء الي وكعت

بيها اثناء الرسم.

استعملت بهذا التحدي نوعين من الأدوات الأول هوه

الفرطونة الخاصة بالنحت على الزجاج و الخشب و بعض المعادن

وهذا أول عمل بالكتابة على الزجاج بستعمال الفرطونة..

العراق: تعالو كلولي قبل لا نكمل شيعنيلكم العراق..؟

بالنسبه الي هوه (أمي و أبي).

يكلك الخبل ما ينسه سالفته كافي وطنيات ونرجع لموضوعنه..

طبعًا هاي الأداة اكتشفتها بالصدفة من رحت اشتريت الحارقة

وقررت انو اضيفها ضمن التحدي..

احجيلكم شويه عن هاي الصورة المُلهمة لكوكب الشرق أم كلثوم..

هاي رسمتهه بالجداحة حركت الخشب بيهه وهاي الألوان الي گدامكم هيه صبغ مال اظافر ههههه هسه تكولون صدك؟

اي نعم صدك هاي الأدوات الي استعملتهم لأن الفن يخليك تبتكر  الأفكار من أبسط الأدوات والشخابيط الي حولها هيه بالقلم الرصاص.

طبعًا يوم عن يوم دا أحس بتطور أكثر وبأفكار مُلهمة تخليني أبدع بهل موضوع مع أنو الجهد قوي الي ينبذل في سبيل اطلع هيج عمل الأغلبية يشوفو بسيط بس مايعرفون كمية الجهد والتعب الي ينبذل علمود يطلع بهاي الصورة..

لكن المُتعة هيه تكمن هنا بالتعب وأثناء العمل ومن تشوف انجازك بالنهاية من تكمل الرسمة أو الكتابة..

ما أخفي عليكم لكن كل يوم تتغير أفكاري والشغلات الي ممكن أسويها مو فقط من خلال التحدي إنما بعد التحدي وبهاي المسيرة.

حاليًا دا أفكر أغير شكم شغلة يعني ما أكتفي بالخشب مثل ما شفتو دخلت الزجاج واحتمال ادخل غير شغلات بعد..

ابالي رسمة رح انقلهه ع الزجاج وبعدها ابالي هواي افكار اريد اطبقهن 

بالواقع لأن الشغف موجود والتحدي و الأصرار موجود وان شاء الله 

أوصل لمرحلة أكون راضي و أفتخر بيهه بالمستقبل بس أكيد ماكو شي

يجي بالهين لازم يرافقة تعب والحيل موجود..

وأكيد الرسمات و الأعمال الي مخطط الها بالأيام الجاية

رح تعجبكم بين قوسين إنتظرو المفاجئة.

محبتي الكم

2021/7/4 

(سيف العبطان)