تحدي ال٢٩يوم✌🏻 (اليوم ال٢٠)

 احم احم

هاي گايز👋🏻 باليوم ال٢٠ من هذا التحدي الأكثر من رائع ويه مرتضى

تعالو خلي احجيلكم و ادوخكم بتفاصيل الفن الي دا اطور بي نفسي

حاليًا وهوه فن (حرق الخشب).

لكن بالبداية أعرفكم عن نفسي ومنو أني..

سيف العبطان من مواليد بغداد وخريج بكلوريوس هندسة تقنيات حاسوب في زمن الكورونا، كدراسة ماخذها بس شهادة وعملي بعيد عن أختصاصي..

أحب الكتابة و القراءة وعندي أعمال أدبية مشترك بيها وأكثر مكان أحبه هوه شارع المتنبي..

وهسه نرجع لموضوعنا..

طبعًا ماعرف شنو بدايات هذا الفن لكن اكتشفته عن طريق الصدفة

وكلش عجبني انو اتعلمه وابدي اطور نفسي بي أكثر..

كانت بدايتي عن طريق الفديوات التعليمية الخاصة بهذا الفن

وبعدها بديت أبحث عن أشخاص يمارسون هذا الفن وعدهم خبرة بي

وكدرت أتواصل ويه أكثر من شخص ونطوني هواي نصائع استفاديت منها

ولازلت أشتغل وأطور من نفسي أكثر.

طبعًا هذا الفن يعتمد على الحس الإبداعي و الأختياري والذوق الرفيع كذلك..

وتحتاج بهذا الرسم على نوعية جيدة من الخشب الأبيض مثل الجاوي أو المعاكس الأبيض أو البلوك بورد الأبيض مو غير لون لأن الأبيض يبرز عليه الرسم أكثر من غيرة..

وتحتاج إلى نوعية جيدة من حارقة الخشب الي رح تكون بمثابة أيدك اليمنة والأداة الرئيسية بهذا الفن.

وهاي رسمة تم انجازها للعملاق (مظفر النواب).

طريقة العمل بهذا الفن رح اوضحهه الكم بهذا الفديو البسيط والي يختصر عليكم الطريق.

مثل ماشفتو هاي طريقة الرسم بفن الحرق والتطور الي كدرت 

أحققه وان شاء الله القادم يكون افضل بهواي.

والي يسئل ليش أختاريت رسم صفاء السراي؟

الجواب: لأن أني تشريني✌🏻.

وهاي الأداة الي دا أستعملها حاليًا..

 طبعًا أني ما استقريت بس على فن الحرق، لكن دخلت ويا بالتحدي

النحت والي هوه أصعب من الحرق بهواي ويرادله دورات أكثر وممارسة أكثر لأن النحت يشمل أكثر من مادة ممكن تستعملها مثل الزجاج و الخشب و الحديد لكن أختاريت الزجاج أني وكدرت أشتغل أكثر من كتابة ورسمة عليه..

لكن مشكلته يرادلة دقة أكثر من الحرق لأن ممكن ضغطة بسيطة تكسر اللوح الزجاجي ويروح كل تعبك بغلطة بسيطة..

ومن أجمل اللوحات الي رسمتها هيه لوحة السيدة كوكب الشرق أم كلثوم.

طبعًا المتعة أثناء ممارسة هذا النوع من الفن جداً رائعة

وتاخذك لغير عالم، أما التعب فماكو شي أسمه تعب لأن

ماتحس بي وهذا الي يخليك تشتغل بشغف علمود تشوف النتيجة

النهائية كدامك وتكون راضي عنها.

أتمنى بنهاية هذا التحدي انو اكدر أوصل لمستوى يخليني أأسس مشروع

خيري من هذا الفن و أتعلم بعد أمور تخص الفن وبعيدة عن العمل

وروتين الحياة الممل.

دوختكم وياي وأتمنى اشوفكم بنهاية التحدي بأفكار و رسمات جديدة و مُبتكرة..

أحبكم هواي هواي هواي..

أخوكم

#سيف_العبطان

2021/7/14